Os Glóbulos Brancos
Os glóbulos brancos ou leucocitos son células sanguíneas con núcleo e cun tamaño algo maior ao dos glóbulos vermellos, cuxa misión é a defensa do organismo fronte ás infeccións. Son moito menos numerosos que os glóbulos vermellos.
Existen tres tipos de leucocitos con aspectos e funcións distintas: granulocitos, linfocitos e monocitos.
· Os granulocitos caracterízanse por ter glándulas no seu citoplasma e un núcleo formado por varios lóbulos. Son células fagocitarias que destrúen microorganismos mentres os engulen.
· Os linfocitos teñen un citoplasma sen gránulos e un núcleo esférico que ocupa gran parte da célula. A súa función é producir anticorpos, as proteínas que nos defenden dos microbios.
· Os monocitos son células de gran tamaño sen gránulos no citoplasma e un núcleo grande en forma de ril. Tamén son células fagocitarias.